Ebeneser

 Eglwys Annibynnol

Ebeneser, Deiniolen 

Côd Post: LL55 3HR

Ysgrifennydd:

Mr John Jones

Ceris, Hen Lon Fron, Deiniolen, Caernarfon, Gwynedd  LL55 3LU

Trysorydd:

Ms Marina Marzelos

Pros Kairon, 9 Ffordd Deiniol, Deiniolen, Caernarfon, Gwynedd  LL55 3LL

Ysgrifennydd Cyhoeddiadau’r Sul:

Mr Ernest Jones

Hafan, 7 Porth y Gogledd, Deiniolen, Caernarfon, Gwynedd  LL55 3HY

Diaconiaid

Mr Ernest Jones

Mr John B Jones

Mrs Eirlys Williams

Mrs Buddug Jones

 

Apêl Adnewyddu’r Festri

 

Diolch yn fawr iawn i bawb a gyfrannodd at y Dyddiau o Roddion a gafwyd ddydd Gwener a dydd Sadwrn, Mawrth 9 a 10 er budd Cronfa Adnewyddu Festri Ebeneser.  Derbyniwyd ychydig dros £3,000.  Gwerthfawrogir bob cefnogaeth i’r apêl hon ac edrychwn ymlaen at osod gwresogyddion newydd ac adnewyddu’r llwybr at ddrws y festri.   

 

Oedfaon y Sul ar y cyd â Chefnywaun, 

yn Ebeneser

Cynhelir 2 oedfa (am 9.30 a 5.00 o’r gloch) pan fydd y Gweinidog yn gwasanaethu ac un oedfa ar y Suliau eraill (am 5.00 o’r gloch)

Oedfa Deulu am 10.00 ar drydydd Sul y mis

Ysgol Sul am 10.15 o’r gloch

 Cymanfa Dosbarth Cwm y glo

Cynhaliwyd Cymanfa Ganu Annibynwyr Cwm y glo yn Capel Coch, Llanberis ddydd Sul, Mai 17.   Arweinydd y Gân oedd Gareth Jones, Llanberis.  Cyfeiliwyd gan Bethan Holding (organ); Falmai Pritchard (piano); Gerwyn Murray a Ceri Murray (gitars); a Dafydd Lake (drymiau).  Cymerwyd rhan gan blant Ysgolion Sul Llanberis, Deiniolen a Phenisarwaun.  Llywyddwyd gan y Parchg John Pritchard.

Cyfarfod Pregethu

Cynhaliwyd Cyfarfod Pregethu blynyddol Ebeneser ddydd Sul, Mai 10.  Gwasanaethwyd yn y ddwy oedfa gan y Parchg Dewi Morris, Porthmadog.

 Swper Blynyddol Cymdeithas Undebol Deiniolen

 Daeth tymor y Gymdeithas i ben nos Fawrth, Ebrill 28, gyda’r Swper Blynyddol a gynhaliwyd yng Nghlwb Golff, Caernarfon.

 Cafwyd bwyd ardderchog, ac roedd pawb wedi mwynhau’r wledd.

 Cyflwynwyd y gwr gwadd, Mici Plwm, gan y Parchg John Pritchard, Llywydd y Gymdeithas.  Cafwyd sgwrs hynod o ddiddorol gan Mici Plwm am ei hunangofiant, Meical Ddrwg o Dwll y Mwg.  Soniodd am yr ysgogiad i ysgrifennu’r gyfrol a’r broses o roi’r hanes ar bapur.  Cawsom flas ar gynnwys y gyfrol hefyd wrth iddo adrodd rhai o’r hanesion a gofnodwyd ynddi.  Soniodd am rai o’i deithiau i wahanol rannau o’r byd, gan gydio’r gwahanol atgofion wrth ddarn o garreg neu wrthrych a ddygodd adref gydag ef o’r gwahanol wledydd.  Cafwyd noson o hwyl a chwerthin, ac ar y diwedd roedd cyfle i brynu’r gyfrol.

 

Gwerthfawrogir y nawdd ariannol a gafwyd oddi wrth Academi at gynnal y noson.