Ysgol Sul Unedig Deiniolen
Cynhelir yr Ysgol Sul am 10.15 o’r gloch ar fore Sul.
Ar y trydydd dydd Sul o bob mis, Oedfa Deulu am 10.00 o’r gloch
- cyfle i’r plant a’r oedolion addoli gyda’i gilydd
Yr Oedfa Deulu nesaf – dydd Sul, Mai 6, 2012 am 10.00 o’r gloch
Y Sul nesaf, Mai 27 - Ysgol Sul am 10.15 o’r gloch
Ysgol Sul Capel Coch, Llanberis
Cynhelir yr Ysgol Sul am 11.15 o’r gloch ar fore Sul.
Cynhelir oedfa deulu unwaith y mis am 10.30 o’r gloch
- – cyfle i’r plant a’r oedolion addoli gyda’i gilydd
Oedfa Deulu nesaf - Mai 27, 2012 am 10.00 o’r gloch
Parti Nadolig 2010
Ar noson o eira …
… o Ddeiniolen a Llanberis …
- … daeth y plant i barti’r Ysgolion Sul …
… a diolch am hynny, cyrhaeddodd Sion Corn hefyd.
Cwpan CIC Dolgellau
Tim pel droed 5 yr ochr Capel Coch a ddaeth yn ail yng nghystadleuaeth Cwpan CIC Dolgellau, ddydd Sadwrn, Gorffennaf 17, 2010
Gemau Giamocs – Uts e Nocowt
Noson o gemau hwyliog i blant Ysgolion Sul yr ardal
(Plant Oed Ysgol Blwyddyn 3-6)
yn Y Ganolfan, Llanberis
am 7.00 o’r gloch, nos Wener, Mehefin 18
Penwythnos yng Ngholeg y Bala
Cawsom amser arbennig o dda. “Colli ac Ennill” oedd teitl y cwrs, a chawsom hanes Iesu’n cerdded ar y dwr; Iesu’n iachau gwas y canwriad; Mair a Martha; a Sacheus. Clywsom am bwysigrwydd ymddiried yn Iesu; cael ffydd yn Iesu; gwrando ar Iesu; a gadael i Iesu newid ein bywydau.
Diolch yn fawr i Nia Williams, a Zoe, Gwilym a Steffan am eu croeso ac am ofalu amdanom. Diolch hefyd am y bwyd da a’r hwyl a gawsom ar y cwrs.
NADOLIG 2009
Gwasanaeth Nadolig plant Capel Coch, nos Sul, Rhagfyr 20, 2009
DIOLCH
Diolch yn fawr iawn i Nia Williams, Blaen Cae Isaf, am ei gwaith yn arwain yr Ysgol Sul dros y blynyddoedd diwethaf. Mae Nia wedi penderfynu rhoi’r gwaith heibio ddiwedd y tymor hwn, a gwerthfawrogwn ei chyfraniad yn fawr iawn. Mae wedi bod yn arweinydd gweithgar a gofalus, ac mae pawb sy’n gysylltiedig â’r Ysgol Sul yn gwybod mor ddyledus ydym iddi am bopeth a wnaeth dros y gwaith a thros y plant. Diolch yn fawr iawn, Nia.
Picnic Ysgolion Sul Llanberis a Deiniolen
Dydd Sul, Gorffennaf 19, 2009
Bu raid cynnal y picnic yn festri Capel Coch oherwydd y tywydd, ond ni wnaeth hynny amharu’n ormodol ar yr hwyl. Cafwyd digon o hwyl wrth chwarae gemau (a diolch i Andrew Settatree am ei help efo’r gemau. Diolch hefyd am gael benthyg y parasiwt o Noddfa, Caernarfon). Diolch i’r plant a’r rhieni am eu cefnogaeth.
TRIP YSGOL SUL I SW CAER
MEHEFIN 27, 2009
Aeth dros 70 ohonom ar y Trip Ysgol Sul i Sw Caer, a chafwyd diwrnod arbennig o dda. Roedd y tywydd yn braf, ond heb fod yn rhy boeth. Fe wnaeth pawb fwynhau ei hun, yn ôl pob sôn. Cawsom swper yn y McDonalds yn Nhreffynnon ar y ffordd adref.
Na! – nid yr un ohonom ni oedd yn gyfrifol am helpu 30 mwnci i ddianc, nes bod raid anfon pawn allan o’r Sw am gyfnod. Yr wythnos ar ôl i ni fod yno y digwyddodd hynny. Doedd o ddim byd i’w wneud efo ni. Fe wnaeth pawb ohonom ni fyhafio.
Cystadleuaeth y Pasg
Diolch i bawb a anfonodd luniau i’r gystadleuaeth. Mae’r beirniaid, y Parchg Robert a Mrs Cath Townsend, wedi penderfynu ar y drefn hon ar ôl edrych yn ofalus ar yr holl luniau.
1af – Ella
Bedd Iesu Grist - Ella, Deiniolen
2il – Alis
Sul y Blodau – Alis, Deiniolen
3ydd – Emma
Y Swper Olaf – Emma, Deiniolen
Da iawn chi, a llongyfarchiadau i bawb ohonoch
Diolch yn fawr iawn i’r beirniaid – roedd y gwaith o ddewis enillydd yn waith anodd iawn.
