Eglwys Annibynnol
Ebeneser, Deiniolen
Côd Post: LL55 3HR
Gweinidog:
Y Parchg John Pritchard
Cilfynydd, Llanberis, Caernarfon, Gwynedd LL55 4HB
Ffôn: 01286 872390
E-bost: john.cilfynydd@btinternet.com
Oedfaon y Sul yn Ebeneser (ar y cyd ag eglwys Cefnywaun)
Oedfaon arferol:
Oedfa am 5.00 o’r gloch bob nos Sul (ar wahân i drydydd Sul y mis pan gynhelir yr oedfa am 3.30 o’r gloch)
Gweler y manylion llawn ar http://www.gronyn.org/cyhoeddiadau
Yr Ysgol Sul: Nid oes Ysgol Sul ar hyn o bryd
Gweler y manylion llawn ar http://www.gronyn.org/yr-ysgolion-sul
Cyfarfodydd eraill:
Dosbarth Beiblaidd: 7.00 o’r gloch bob pythefnos ar nos Fercher yn Yr Haciau, Penisarwaun
Gweler y manylion llawn ar http://www.gronyn.org/cyhoeddiadau
Cymdeithas Undebol: 7.00 o’r gloch ar bedwerydd nos Lun y mis
Gweler y manylion llawn ar http://www.gronyn.org/cyhoeddiadau
Ethol Diaconiaid Newydd
Bore Sul, Tachwedd 17
Byddwn yn ethol diaconiaid newydd i eglwys Ebeneser yn ystod yr oedfa fore Sul, Tachwedd 17 (10.00 o’r gloch).
Gwneir hyn trwy bleidlais bapur. Yr aelodau a fydd yn yr oedfa gaiff bleidleisio.
A wnewch chi ymdrech arbennig i fod yno os gwelwch yn dda.
Apêl Adnewyddu’r Festri
Diolch yn fawr iawn i bawb a gyfrannodd at y Dyddiau o Roddion a gafwyd ddydd Gwener a dydd Sadwrn, Mawrth 9 a 10 er budd Cronfa Adnewyddu Festri Ebeneser. Derbyniwyd ychydig dros £3,000. Gwerthfawrogir bob cefnogaeth i’r apêl hon ac edrychwn ymlaen at osod gwresogyddion newydd ac adnewyddu’r llwybr at ddrws y festri.
Cymanfa Dosbarth Cwm y glo
Cyfarfod Pregethu
Cynhaliwyd Cyfarfod Pregethu blynyddol Ebeneser ddydd Sul, Mai 10. Gwasanaethwyd yn y ddwy oedfa gan y Parchg Dewi Morris, Porthmadog.
Swper Blynyddol Cymdeithas Undebol Deiniolen
Daeth tymor y Gymdeithas i ben nos Fawrth, Ebrill 28, gyda’r Swper Blynyddol a gynhaliwyd yng Nghlwb Golff, Caernarfon.
Cafwyd bwyd ardderchog, ac roedd pawb wedi mwynhau’r wledd.
Cyflwynwyd y gwr gwadd, Mici Plwm, gan y Parchg John Pritchard, Llywydd y Gymdeithas. Cafwyd sgwrs hynod o ddiddorol gan Mici Plwm am ei hunangofiant, Meical Ddrwg o Dwll y Mwg. Soniodd am yr ysgogiad i ysgrifennu’r gyfrol a’r broses o roi’r hanes ar bapur. Cawsom flas ar gynnwys y gyfrol hefyd wrth iddo adrodd rhai o’r hanesion a gofnodwyd ynddi. Soniodd am rai o’i deithiau i wahanol rannau o’r byd, gan gydio’r gwahanol atgofion wrth ddarn o garreg neu wrthrych a ddygodd adref gydag ef o’r gwahanol wledydd. Cafwyd noson o hwyl a chwerthin, ac ar y diwedd roedd cyfle i brynu’r gyfrol.
Gwerthfawrogir y nawdd ariannol a gafwyd oddi wrth Academi at gynnal y noson.
